II tip şəkərli diabet orqanizmdə bir sıra mikrovaskulyar (damar) xəstəliklərə səbəb olur. Böyrəklər orqanizmin vahid bir hissəsi olduğu uçun yayılmış mikrovaskulyar zədələnmələr böyrəklərdən də yan keçmir.

Aztibb.az xəbər verir ki, bu barədə nefroloq Barat Yusubov məlumat verib. 

Həkimin bildirdiyinə görə, diabetə bağlı böyrək zədələnməsı ilkin dövrlərdə əlamətsiz keçir və həkimlər məhz bu dövrdə aşkarlanan xəstəliyi tam geri qaytara bilirlər.

"Buna görə də şəkərli diabet olan hər bir kəs şikayəti olmasa belə müntəzəm müayinələrdən keçməlidir və bu müayinələr zamanı şəkərli diabetdən dolayı zədələnə biləcək orqanlar (o cümlədən böyrəklər) daha diqqətli təqib edilməlidir, - deyə B.Yusubov qeyd edib.