İstiot qədim zamanlardan müalicəvi vasitə kimi istifadə olunurdu. Qədimdə istiot ishalın, dəri xəstəliklərinin, impotensiyanın müalicəsində tətbiq olunurdu.

Aztibb.az xəbər verir ki, qara istiotun müxtəlif faydalı xüsusiyyətləri var:

- həzm prosesləri yaxşılaşdırır və stimullaşdırır, iştahanı artırır;

- qidada olan faydalı maddələrin (ilk növbədə aminturşuların) mənimsənilməsini yaxşılaşdırır;

- qıcqırma və köplə mübarizə aparır;

- qan dövranını yaxşılaşdırır, qanı duruldur, tromblaşmanın qarşısını alır;

- nəfəsalma orqanlarını selikdən təmizləyir;

- maddələr mübadiləsi proseslərinə müsbət təsir edir, onları sürətləndirir;

- piylənmənin qarşısını alır, arıqlamağa kömək edir;

- bağırsaqları toksinlərdən, şlaklardan təmizləyir;

- qurdqovucu təsirə malikdir;

- orqanizmə iltihabəleyhinə təsir edir;

- xoşbəxtlik hormonlarının (endorfin və serotonin) ifrazını aktivləşdirir;

- şişəleyhinə təsirə malikdir.

Bəzi xəstəliklər və pozulmalar zamanı qara istiotun istifadəsi qadağandır. Bu xəstəliklər arasında: qastrit və mədə xorası, sidik kisəsi və böyrəklər iltihabları, hipertoniya, stenokardiya və s.

Lakin hətta tam sağlam insanlar da bu ədviyyatdan süi-istifadə etməməlidir. Bu onların sağlamlığında pozulmalara səbəb ola bilər.