Aztibb.az xəbər verir ki, bu barədə "Fetal Mərkəz NS Genetics" klinikasından məlumat verilib. 

 

Piy toxumasının nisbəti yaşa görə dəyişir. Bu nisbət qeyri-sağlam şəkildə artdığında ortaya çıxan piylənmə bədəndə həddindən artıq yağ yığılması ilə müşahidə olunan fiziki və zehni enerji mübadiləsi pozğunluğudur. Xəstəlik zamanla yüksək təzyiqdən şəkərli diabet və ürək-damar xəstəliklərinə qədər bir çox ciddi sağlamlıq problemlərinə səbəb olur.

 

Yağ hüceyrələrinin sayının artması cinsi yetkinliyə qədər sürətlə davam edən bir prosesdir. Kalori qəbulu ilə əlaqədar olan bu artımın sürəti yaşla birlikdə azalır. Bu səbəblə uşaqlıq çəkisinin insanın piylənmə riski ilə birbaşa əlaqəsi var.

 

Elmi araşdırmalara əsasən, ailədən gələn genetik irsiyyətin də uşaqlarda piylənməyə təsiri olduqca güclüdür.

 

Körpənin doğulmasından sonra ilk 6 ay, 4-5 yaş və yeniyetməlik dövrü uşaqlarda piylənmənin ən çox müşahidə edildiyi yaşlardır.