Pasiyent üçün bir neçə faktora, o cümlədən ürək xəstəliyinin növünə və dərəcəsinə, yaşa, tibbi tarixçəyə və həyat tərzinə, əməliyyatdan əvvəl həyata keçirilən testlərin nəticələrinə görə ən yaxşı üsul barədə qərar verilir:

 

"Əgər pasiyent və sağlamlıq vəziyyəti uyğundursa, bütün ürək əməliyyatlarını kiçik kəsik ilə icra etmək mümkündür.

 

Daha öncə döş qəfəsi sümüyü kəsilərək əməliyyat olmuş xəstələrdə ikinci əməliyyata ehtiyac yaranarsa, qoltuqaltından girilərək edilən ürək əməliyyatı çox avantajlıdır.

 

Bütün ürək qapaq əməliyyatlarında, qapaq dəyişilməsi və ya təmiri əməliyyatlarında rutin olaraq bu metod istifadə olunur. 2 ya da 3 qapağa eyni anda müdaxilə etmək mümkündür. Öncədən Bypass və ya qapaq əməliyyatı olmuş xəstələrdə ikinci qapaq əməliyyatının qoltuqaltından edilməsi cərrahlara böyük üstünlüklər qazandırır".

 

Həkim qeyd edib ki, anadangəlmə ürək xəstəlikləri, ürək dəlikləri, ürək şişləri də bu metodla əməliyyat edilə bilər. Hazırda çox sayda damar Bypassları qoltuqaltından girilərək edilir. Mitral, aorta qapaq və trikuspidal qapaq cərrahiyyəsi olacaq xəstələrdə bu metod rahatlıqla tətbiq edilməkdədir.