Limfa sistemi ürəyin bərpasında mühüm rol oynayır.

Aztibb.az Sinxua agentliyinə istinadən xəbər verir ki, bu bərədə İsraildə Veysman İnstitutunun alimləri məlumat yayıblar.

Məlumatda bildirilib ki, bu kəşf transplantasiya üçün uyğun olan ürəyin bərpası və toxumaların böyüməsini stimullaşdırmaq üçün yeni yollar tapmağa kömək edə bilər.

Aparılan tədqiqat nəticəsində məlum olub ki, orqanın bərpası üçün təkcə ürək damarlarından axan qan deyil, paralel şəbəkədə dolaşan rəngsiz limfa mayesi və onun hərəkət etdiyi limfa damarları da lazımdır.

Limfa damarlığı immun hüceyrələri üçün kanal rolunu oynayır və mayeni axıdır.