"Qida bələdçisi"nin 77-ci buraxılışı yayımlanıb
21.10.2021 09:42
Azərbaycan Respublikasının Qida Təhlükəsizliyi Agentliyi (AQTA) ilə “ARB 24” telekanalının birgə layihəsi olan “Qida bələdçisi” verilişinin növbəti buraxılışı yayımlanıb.
Aztibb.az xəbər verir ki, budəfəki buraxılışda da aktual və maraqlı mövzulara toxunulub:
- AQTA tərəfindən qida təhlükəsizliyi sahəsində bu ilin 9 ayı ərzində görülən işlər və qarşıda duran vəzifələrlə bağlı kütləvi informasiya vasitələrinin də iştirakı ilə mətbuat konfransı keçirilib. Hesabat dövründə qida təhlükəsizliyinin, heyvan və bitki sağlamlığının təmin edilməsi istiqamətində görülən işlər, nəzarət tədbirləri, onların nəticəsi, eləcə də AQTİ və nəzdindəki laboratoriyaların fəaliyyəti barədə məlumat verilib.
- Məlum olduğu kimi, ötən il yanvarın 1-dən etibarən ölkəmizdə enerji içkilərinin minimum keyfiyyət göstəriciləri və təhlükəsizliyi həmin məhsulların qablaşdırılması, etiketlənməsi, daşınması, saxlanması və istehsalında istifadə olunan xammal və materiallara dair tələbləri əks etdirən “Enerji içkilərinə dair müvəqqəti sanitariya normaları və qaydaları” ilə tənzimlənir. İstehlak bazarında enerji içkisi adı altında istehlakçılara təqdim olunan alkoqolsuz içkilərin bu qaydalara uyğunluğunun müəyyən edilməsi məqsədilə AQTA tərəfindən monitorinqlər keçirilib. Aşkarlanmış bir sıra uyğunsuzluqlarla bağlı qanunvericiliyin tələbini pozan istehsalçılarla bağlı müvafiq tədbirlər görülüb.
- Bioloji fəallığa malik qida əlavələrinin idxalı zamanı qanunvericiliyin tələbinə riayət olunmalıdır. Bu sahədə fəaliyyət göstərən sahibkarların maarifləndirilməsi istiqamətində mütəmadi olaraq işlərin aparılmasına, görüşlərin keçirilməsinə baxmayaraq, təəssüf ki, hələ də bu tip məhsulların idxalı və satışı zamanı bir çox hallarda qanunvericiliyin tələbinin pozulduğu müşahidə olunur. AQTA bioloji fəallığa malik qida əlavələrinin idxalı və satışı ilə məşğul olan sahibkarlara xəbərdarlıq edib. Sahibkarlıq subyektlərini bir daha bu sahədə qanunvericiliyin tələbinə əməl etməyə çağırıb.
- Payızlıq əkinə hazırlıq işləri başlayıb. Yüksək məhsul əldə etmək üçün aqrotexniki tədbirlərin vaxtında və düzgün aparılması, bölgənin torpaq-iqlim xüsusiyyətinə uyğun sortların seçilməsi, zərərli orqanizmlərə qarşı effektiv mübarizə tədbirlərinin həyata keçirilməsi şərtdir. Fermerlər payızlıq əkinlər zamanı hansı amilləri nəzərə almalıdırlar? Məhsuldarlığı aşağı salan və ya onu ləngidən səbəblərin baş verməməsi üçün hansı qabaqlayıcı tədbirləri həyata keçirməlidirlər? Təsərrüfatlarda bitkilərin zərərli orqanizmlərdən mühafizəsi üçün hansı tədbirlər daha səmərəli hesab olunur? Bu və ya digər məsələlər barəsində qonağımız AQTA-nın Bitki sağlamlığı şöbəsinin müdiri, aqrar elmlər üzrə fəlsəfə doktoru, dosent Taleh Şəmiyev ətraflı məlumat verib.
- Üzümçülük ölkəmizdə ənənəvi və aparıcı sahələrindən biridir. Üzüm də xarici mühit amillərinin və becərmə üsullarının dəyişilməsinə qarşı çox həssas bitkilərdəndir. Bir sıra xəstəliklər var ki, üzümçülük təsərrüfatlarına ciddi ziyan vurur. Bağlarda müşahidə olunan karantin əhəmiyyətli müxtəlif xəstəlik və zərərvericilərə qarşı mütləq mühüm təxirəsalınmaz tədbirlər həyata keçirilməlidir ki, fermerlər daha böyük məhsul itkisi və maddi ziyanla üzləşməsinlər. Məhsuldarlığın və keyfiyyətin artırılmasını təmin etmək üçün üzümlüklərə qulluq necə aparılmalıdır? Payızda üzümlüklərdə hansı tədbirlər görülür? “AQTA maarifləndirir” rubrikasında AQTİ-nin mütəxəssisi Aysel Səlimova üzümün karantin əhəmiyyətli xəstəliklərindən, mühüm qabaqlayıcı mübarizə tədbirlərindən geniş bəhs edib.
Bu bölməyə aid digər xəbərlər
Türkiyənin “Sabah” qəzeti: “Azərbaycanın səhiyyə sektoru inkişaf edir”
22.04.2024 | 09:04
Yeni dərslik: “Səhiyyədə insan resurslarının idarə olunması”
18.04.2024 | 10:50
Pediatr Sevil Orucovanın məqaləsi: "Həkim insanlara Günəş qədər lazımdır"
15.04.2024 | 15:58
Qaranlığa qalib gələn təbib - Rəşad Mahmudov yazır...
15.04.2024 | 12:42
Tələbələr üçün yeni dərslik: "Ağciyər xəstəlikləri”
08.04.2024 | 12:55
“Ürək qan-damar xəstəliklərinin farmakoterapiyası” adlı dərs vəsaiti işıq üzü görüb
05.04.2024 | 11:11
Tarixi Zəfərə aparan yol haqqında bir neçə söz
04.04.2024 | 11:23
Stomatologiyanın aktual probleminə dair yeni kitab
01.04.2024 | 15:42
Yeni nəşr: “Tərkibində norbornen saxlayan imidazolinlər”
25.03.2024 | 13:35
ATU əməkdaşı dünya səviyyəli kitabın müəllifləri sırasında yer alıb
15.03.2024 | 14:20
ÇOX OXUNANLAR
Gənc həkim Samux Rayon Mərkəzi Xəstəxanasında işə başlayıb
18.04.2024 | 13:04
Xalq yazıçısı Çingiz Abdullayev Mərkəzi Gömrük Hospitaldan evə buraxılıb
17.04.2024 | 17:00
Tibb üzrə fəlsəfə doktoru Yazgül Abdıyevanı 50 illik yubileyi münasibətilə təbrik edirik!
17.04.2024 | 15:43
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
19.04.2024 | 10:14
İcbari Tibbi Sığorta üzrə Dövlət Agentliyi İctimaiyyətlə əlaqələr şöbəsinə işçi axtarılır
17.04.2024 | 10:14
Kardioloq Fikrət Sadıqzadə ürək çatışmazlığından vəfat edib
22.04.2024 | 09:45
Gözlərə nur bəxş edən fədakar həkim
19.04.2024 | 10:29
"Həkimlərimizi tanıyaq!" rubrikası: Pediatr İradə Yunusova
16.04.2024 | 16:51
TƏBİB Daxili nəzarət və monitorinq departamentinin Monitorinq şöbəsinə işçi axtarır
18.04.2024 | 11:23
Dünya liderlərini bir araya gətirən "UNITED MEDICAL TOURISM EXPO" sərgisi yaxınlaşır
18.04.2024 | 19:50
Ümumdünya Hemofiliya Günü ilə əlaqədar Dövlət Tibbi-Sosial Ekspertiza və Reabilitasiya Agentliyində qanvermə aksiyası keçirilib
17.04.2024 | 15:59
Anestezioloq-reanimatoloq Sevda Hüseynova- “Həkimlərimizi tanıyaq!” rubrikası
18.04.2024 | 17:11
Quba rayonunun Hacı-Hüseyinli kənd sakinləri tibbi müayinədən keçiblər
17.04.2024 | 13:44
Həddindən artıq su qəbulu beyin şişməsinə səbəb ola bilər
23.04.2024 | 07:58
"Həkimlərimizi tanıyaq!" rubrikası təqdim edir: Terapevt Risalə Həsənova
17.04.2024 | 17:08