Cərrahın sözlərinə görə, ürək yüklə işlədiyindən lazımi şəkildə qanı pompa edə bilmir. İlk başda beyin olmaqla, orqanlar az qanla təmin olunur. Az qanla təmin olunan orqanlar normal çalışmır, bütün orqanizmdə xaos başlayır. Bu zaman ürək yığılmalarının tezliyi dəqiqədə 350-600 olur.

 

Cabir Gülmalıyev bildirib ki, dərman terapiyası ilə gözlənilən nəticə alınmadıqda kəskin vəziyyətlərdə elektrik kardioversiya (ürək ritmini bərpa etmək üçün ürək nahiyəsinə impulslu elektrik cərəyanının çəkilməsi) tətbiq edilir.

 

Təcili və ya təxirəsalınmaz kardioversiya aşağıdakı 4 halda tələb oluna bilər:

 

- Ürəyin aktiv işemiyası (simptomatik və ya EKQ-də görünən)

- Orqanların hipoperfuziyasına dəlalət əlamətlər olduqda

- Ürək çatışmazlığının ağır təzahürü, məs., ağciyər ödemi olduqda

- Ürəyin mədəciklərinin həddən artıq sürətlənmiş döyüntüsünə səbəb olan əlavə yolların olması ilə müşahidə edilən erkən oyanma sindromu olduqda.

 

"Xroniki forma elektrik kardioversiyanın qeyri-effektivliyi ilə səciyyələnir. Xroniki səyirici aritmiyası olan uyğun xəstələrdə perkutan və ya cərrahi yolla ablasiya tətbiq edilir", - deyə həkim  bildirib.