Elm adamları lamaların ifraz etdiyi kiçik anticisimlərin COVID-19 ilə mübarizədə kömək edə biləcəyini irəli sürüblər.
Aztibb.az xarici mediaya istinadən xəbər verir ki, Oksford İnstitutunun alimləri lamalar və dəvələr tərəfindən ifraz edilən daha kiçik bir anticisim növü olan nanocisimlərin koronavirusu zərərsizləşdirə biləcəyini kəşf ediblər. Qısa nanocisimlər zəncirləri yoluxmuş heyvanlara verildikdə xəstəlik təzahürlərini əhəmiyyətli dərəcədə azaltdığı təsdiqlənib. Tədqiqatçılar virusla mübarizə aparan zülalları yoluxmuş insanlara burun spreyi şəklində verməyi planlaşdırırlar.
Alimlər bildirirlər ki, laboratoriyada asanlıqla kütləvi şəkildə istehsal oluna bilən nanocisimlər insanların müalicəsində daha ucuz və daha yaxşı alternativ ola bilər.
