Tiroid vəzin anaplastik karsinomları xərçəng tipləri arasında ən aqressiv törəmələrdən olub, çox hallarda ölümlə nəticələnir. Kişilərdə qadınlara nisbətən daha sıx rastlanır. Anaplastik tiroid xərçəngi daha çox yaşlı insanlarda (65 yaş və sonra) müşahidə olunur.

 

Aztibb.az xəbər verir ki, bu barədə həkim-endokrinoloq Fərhad Burzu sosial şəbəkədə məlumat yayıb.

 

Həkim bildirib ki, anaplastik tiroid xərçəngi çox sürətlə inkişaf edir, sərt olur, ətraf toxumalara yayılır, əksər hallarda ağciyər və sümüklərə metaztaz verir. Anaplastik karsinomlar çox sürətlə böyüyür və digər orqanlara metastaz verdikdə, ölüm riski artır, müalicələrə baxmayaraq xəstələr ortalama 1 il yaşayır.

 

Fərhad Burzunun sözlərinə görə, anaplastik tiroid xərçənginin müalicəsi standart Total Tiroidektomidir (tiroid vəzin təmamilə xaric edilməsi). Total tiroidektomiya aparılmırsa, pasiyentin boğulmasının qarşısını almaq məqsədilə trakeostomi aparılır. Adətən əməliyyatdan sonra radioterapiya tətbiq edilir.