Koronar şuntlama (Bypass) əməliyyatına hazırlıq həkim-kardioloq tərəfindən təşkil olunur. Bəzi dərmanlar əməliyyatdan əvvəl istifadə edilməməlidir.

 

Aztibb.az xəbər verir ki, bu barədə ürək-damar cərrahiyyə uzmanı Cabir Gülmalıyev sosial şəbəkədə məlumat paylaşıb.

 

Həkim bildirib ki, siqaret çəkənlər qan axını və tənəffüsünü asanlaşdırmaq üçün siqareti buraxmalıdırlar. Bundan başqa, koronar şuntlamadan əvvəl bütün orqanların funksiyaları və insult riskləri analizlər vasitəsilə öyrənilir.

 

Onun sözlərinə görə, belə bir əməliyyatdan sonra xəstə əvvəlki həyat tərzini köklü şəkildə dəyişdirməlidir. Həkimin qidalanma rejimi, dərman vasitələrindən istifadə, idmanla məşğul olma və gündəlik həyatla bağlı tövsiyələrinə riayət etmək lazımdır. Bundan başqa, əməliyyat keçirmiş insan öz yemək vərdişlərini ürəyin sağlamlığını qoruyan pəhrizə uyğunlaşdırmalıdır. 

 

"Əməliyyat sonrası bu cür köklü dəyişikliklər bəzi xəstələrdə psixoloji narahatlığa səbəb ola bilər. Psixoloq yardımı almaq məsləhətdir. Əməliyyat keçirmiş xəstələrdə "erektil disfunksiyanın" pozulması zamanı istifadə olunan bəzi dərmanların çox riskli olduğu, bəzi hallarda ölümlə nəticələnə biləcəyini xəstələrə bildirmək mütləqdir", - deyə Cabir Gülmalıyev bildirib.