Diabetiniz varsa, mütləq şəkəriniz kontrolda olsun, əks halda böyrəkləriniz təhlükədədir.

 

Aztibb.az xəbər verir ki, bu barədə nefroloq Barat Yusubov sosial şəbəkədə məlumat paylaşıb.

 

Həkim bildirib ki, II tip şəkərli diabet orqanizmdə bir sıra mikrovaskulyar (damar) xəstəliklərə səbəb olur. Böyrəklər orqanizmin vahid bir hissəsi olduğu uçun yayılmış mikrovaskulyar zədələnmələr böyrəklərdən də yan keçmir.

 

Onun sözlərinə görə, diabetə bağlı böyrək zədələnməsi ilkin dövrlərdə əlamətsiz keçir və həkimlər məhz bu dövrdə yaxalanan xəstəliyi tam geri qaytara bilirik. Buna görə də şəkərli diabet olan hər bir kəs heç bir şikayəti olmasa belə müntəzəm olaraq müayinələrdən keçməlidir. Bu müayinələr zamanı şəkərli diabetdən dolayı zədələnə biləcək orqanlar (o cümlədən böyrəklər) daha diqqətli təqib edilməlidir.