Bəzi hallarda sağ və sol qolda arterial təzyiqin ölçülməsi müxtəlif nəticələr göstərir. Tonometr sağ əldə 200, solda isə 130 göstərirsə nə etmək lazımdır?

Aztibb.az medikforum.ru-ya istinadən xəbər veirir ki, bu fərq adətən təxminən 5-10 millimetr civə sütunu təşkil edir. Bu isə insanların anatomiyası ilə bağlıdır. Belə ki, sağ ələ qan orqanizmin əsas arteriyası - ürəkdən qanı daşıyan aorta vasitəsilə hərəkət edir.

Qan sol ələ çatmazdan əvvəl isə başda iki əhəmiyyətli arteriya üzrə hərəkət edir. Lakin əgər insanda sol və sağda arterial təzyiqin ölçülməsi zamanı fərq onlarla millimetr civə sütunu ilə qiymətləndirilirsə, bu artıq ciddi sağlamlıq problemlərinin əlamətidir. Bu problemlərə ürək və böyrəklərin işində pozuntular aid ola bilər. Çünki məhz böyrəklər arterial təzyiqi nizama salmağa kömək edir. Bundan başqa, xolesterin göstəricilərini də yoxlatmağa ehtiyac ola bilər.

Xatırladaq ki, mükəmməl sistolik təzyiq 50 yaşdan yuxarı insanlarda 140-dan aşağı, cavan insanlarda isə 120-yə qədər olmalıdır.