Tibb tarixində 40-dan çox peyvəndi icad edən həkim, müasir peyvənd dövrünün (son 100 illik) qəhrəmanı Maurice Hilleman 1957-ci ildə Asiya Qripi (Hong Kong) epidemiyası zamanı 4 aya peyvənd hazırlamağı ilə məşhur olub.

Aztibb.az xəbər verir ki, bu barədə Milli Məclisin Səhiyə komitəsinin sədr müavini, tibb elmləri doktoru Rəşad Mahmudov sosial şəbəkədə məlumat verib.

O, qeyd edib ki, həkim ABŞ-da uzun illər qəhrəman kimi xatırlanıb. Çünki "Asiya qripi" bütün dünyada 2 milyon ölümə səbəb olarkən, M.Hillemanın peyvəndi sayəsində ABŞ-da 70 min ölümlə problem aradan qaldırılıb.

R.Mahmudovun sözlərinə görə, M.Hilleman bildirib ki,  tənəffüs yolu viruslarından sağ çıxsanız da, nAb (anticisim) cavabı çox vaxt tam olmur və ya uzun müddət davam etmir. Peyvəndinizi 1-3 ay ərzində etdirməyə çalışın.

Sonda R.Mahmudov qeyd edib: "Azad seçim və sərbəst qərar əlbəttə vacibdir. Amma pandemiyalarda təsdiqi olmayan söz söhbətə çox da güvənmək lazım deyil. Elmi tədqiqatlar və rəsmi qurumların qərarlarına əməl edək. Həyat, mənbəyi naməlum olan hər eşitdiyinizi üzərinizdə yoxlamaq üçün kifayət qədər uzun deyil. Bəzən başqalarının təcrübəsindən yararlanmalısan".