Qanda lipidlərin qeyri-adi səviyyələrinin müalicəsi üçün istifadə edilən preparat COVID-19 zamanı virus yükünü 70 faizə qədər azalda bilər.

Aztibb.az medikforum.ru-ya istinadla xəbər verir ki, alimlərin beynəlxalq qrupu tərəfindən aparılmış laboratoriya tədqiqatı çərçivəsində bu nəticəyə gəlinib.

Tədqiqatçılar aşkar edib ki, fenofibrat və onun aktiv forması (fenofibroik turşu) laboratoriya şəraitində insan hüceyrələrinin SARS-COV-2 virusu ilə zədələnməsini əhəmiyyətli dərəcədə azalda bilər. Azalmalara preparatın təhlükəsiz dozasından istifadə edərək nail olunub.

Hazırda komanda COVID-19 diaqnozu ilə xəstəxanaya yerləşdirilmiş pasiyentlərdə preparatın kliniki sınaqlarının aparılmasını planlaşdırır.

Yeni növ koronavirus virusun səthindəki zülalın və insan hüceyrələrində ACE2 reseptorunun zülalı arasında qarşılıqlı təsir vasitəsilə insanı yoluxdurur. Komanda aşkar edib ki, fenofibrat ACE2 və virusun səthindəki zülalın qarşılıqlı təsirini poza bilər. Sonra onlar laboratoriyada SARS-COV-2 virusunun orijinal ştamlarından istifadə edərək hüceyrələrin yoluxmasının azalmasında preparatın effektivliyini yoxlayıblar, Müəyyən olunub ki, fenofibrat infeksiyanı 70%-ə qədər aşağı salır.