Bir qrup insanlarda istənilən virus infeksiyası, eləcə də koronavirusa yoluxduqda qanın yüksək laxtalanması səbəbindən tromboz yaranması riski artır.

Aztibb.az Rusiya mətbuatına istinadla bildirir ki, həkim-infeksionist Andrey Pozdnyakovun sözlərinə görə, tromboza genetik, irsi meyilli pasiyentlər var. Hazırda bu xəstəlik geniş yayıldığı üçün damarların və qanın vəziyyətini nəzərə almaq lazımdır.

Koronavirus zamanı endotellər damarların iç divarına çökür, bu zaman qan dövranı çətinləşir.

Damarların endotelləri uzun müddət və asta bərpa olunur, ona görə COVID-19 zədələnməsi nəticəsində trombozlar yarana bilər. İnsan orqanizmində trombozun yarandığını hiss etmir. O, gizli qatildir. Təəssüf ki, genetik problemli xəstələrdə trombozun baş verməsi insultla, infarktla nəticələnə bilər.

Hormonal kontraseptivlər qəbul edən qadınlar, hormonal pozuntusu olan xəstələr, artıq çəkili adamlar, ürək damar problemi olanlarda tromboz riski yüksəkdir.

Həkim qeyd edib ki, koronavirusa qarşı peyvənddən sonra da məhz bu insanlarda tromboz yarana bilər.

O, əlavə edib ki, buna baxmayaraq "Sputnik V" peyvəndindən sonra tromboz faktı aşkarlanmayıb.