Qanda C vitamini və karotenoidlərin səviyyəsi nə qədər yüksəkdirsə, 2-ci tip diabetin inkişaf riski o qədər azdır.
Aztibb.az medlinks.ru-ya istinadən xəbər verir ki, bununla bağlı alimlər araşdırma aparıb.
Araşdırma nəticəsində məlum olub ki, hər 66 qram əlavə meyvə və tərəvəz qəbulu 2-ci tip diabet riskini 25% azaldır.
Alimlər taxıl istehlakının da diabetin müalicəsində mühüm rol oynadığını vurğulayıb.
Bildirilib ki, hər gün səhər yeməyində yarma məmulatları (xlopya) yeyənlərdə, ayda bir dəfədən az istifadə edənlərə nisbətən diabet riski 19% azdır. Taxıl məhsullarından hazırlanan çörəyin yeyilməsi diabet riskini 21% azaldır. Həftədə ən azı iki dəfə yulaf sıyığı yeyənlərdə risk 21%, kəpək çörəyi istifadə edənlərdə 15% azalır. Qəhvəyi düyü və buğdadan istifadə isə riski 12% azaldır.