İsrail tədqiqatçıları bu günə qədər bilinən heç bir Homo növünə aid olmayan qədim insan növünün qalıqlarını aşkar etdiklərini açıqlayıblar.

Aztibb.az xəbər verir ki, insan qalıqları İbrani Qüds Universitetinin arxeoloqu Yossi Zaidnerin rəhbərlik etdiyi qrupun Ramla şəhəri yaxınlığında apardığı arxeoloji qazıntılar zamanı aşkarlanıb.

Araşdırmaya dair yazı “Science” jurnalında yayımlanıb.

Tel-Əviv Universitetindən bir qrup antropoloq və Y.Zaidnerin qrupu kəşf olunan yeni insan növünə “Nesher Ramla” adını veriblər.

Alimlərin fikrincə yeni kəşf edilən insan sümükləri təxminən eradan 140.000 il əvvələ aiddir və qalıqlar digər homo arxaik növlərlə ortaq xüsusiyyətləri paylaşır.

“Nesher Ramla”nın baş quruluşu, çənəsinin olmaması və çox böyük dişlərinin olması onun Homo Sapiensdən fərqli bir növ olduğunu göstərir.