Alimlər qan nümunələrindən 50-dən çox xərçəng növünü aşkar edən yeni bir qan testi (MCED) üzərində apardıqları təhlil işlərinin nəticələrini açıqlayıblar.

Aztibb.az xəbər verir ki, İngiltərənin milli səhiyyə qurumu sınaqdan keçirilən qan testini bazara çıxarmaq üçün testin qanda xərçəngin növü və mənbəyini simptom meydana gəlmədən aşkarladığını bildirib.

Analiz işində 2823 xərçəng xəstəsi iştirakçısının və 1254 xəstə olmayan iştirakçının, ümumilikdə 4077 nəfərin testləri müayinə edilib.

Testin spesifikliyi, həssaslığı və proqnozlaşdırıcı dəqiqliyi ölçülüb. Test xərçəng siqnalının aşkarlanması üçün 99,5% nəticə verib.

Xərçəng siqnalının aşkarlanması üçün testin ümumi həssaslıq dəyərinin 51,5% olduğu və xərçəng mərhələləri artdıqca həssaslığın artdığı bildirilib.

Xərçəng xəstələrində MCED testinin ümumi dəqiqliyi 88,7 % olub.