“Həyatda ən erkən doğulmuş körpə” olaraq qeydə alınan Richard Hutçinson 1 yaşına qədəm qoyub.

Aztibb.az xəbər verir ki, R.Hutçinson 5 aylığında 330 qram ağırlığında dünyaya gəlib və həkimlər onun yaşama şansının olmadığını deyiblər.

Bu gün Hutçinsonun 1 yaşı tamam olub. Ailəsi “möcüzə körpə” olaraq bilinən Hutçinsonun ilk ad günündən görüntüləri insanlarla paylaşıb. Anası bildirib ki, Hutçinson tibbi fəsadları səbəbiylə keçən il ABŞ-ın Minnesota ştatının  Minneapolis şəhərində beş aylığında dünyaya gəlib. 131 gün vaxtından əvvəl dünyaya gələn körpə o qədər kiçik olub ki, anası onu ovucunda apara bilib. Bu müddətdə uşaq altı aydan çox xəstəxanada qalıb və pandemiya səbəbindən anası onun yanında qala bilməyib. 

Anası oğlunun “Ginness Rekordlar Kitabı”na düşməsindən danışarkən belə yazıb:“Yaşadıqlarımız həqiqi  görünmür. Hələ də çox təəccüblənirik. Ancaq çox xoşbəxtik”. 

Uşağın uzun müalicə müddətində əməyi olan həkim Kern Richardın xəstəxanadan çıxardıldığı an onu beşiyindən götürdüyündə göz yaşlarını saxlaya bilmədiyini deyib.