Son illər mütəxəssislərin şəkər tozu haqqında apardığı araşdırmalar bu maddənin insan orqanizmi üçün bir çox patologiyaların əmələ gəlməsində rolu olduğunu təsdiqləyib.

Aztibb.az xəbər verir ki, mütəxəssislər şəkər tozunun bal ilə əvəz edilməsini məsləhət görürlər. Çünki balın tərkibindəki şəkər təbiətdən gələn və tərkibi dəyişilməyə məruz qalmayan şəkərdir.

Orqanizm ehtiyacı olan enerjini qlükozadan alır. Qlükozanı isə oqranizm qəbul etdiyi qidalar vasitəsilə qəbul edir. Orqanizm bir müddət qlükoza qəbul etmədikdə halsızlaşır və qlükozaya olan ehtiyacını açıqca hiss edir.

Şəkərin tərkibi 50% qlükoza və 50% fruktozadan ibarətdir. Balın tərkibində isə 30% qlükoza, 40% fruktoza və 30% isə dekstrin və karbohidratlardan ibarət olan 20 cür müxtəlif şəkər vardır. Fruktoza suda çox rahat həll olduğuna görə qaraciyərə zərər vermir. Bunun səbəbi balın təbii şəraitdə tərkibini dəyişə bilməməsi və xarab olmamasıdır. Balın tərkibində qoruyucu qatqı maddəsinin olduğuna görə o, orqanizmə heç bir zərər vermir.

Bu səbəbdən də mütəxəssislər şirin çay içmək istəyənlərə şəkər tozu əvəzinə çaylarına bal qatmağı məsləhət görürlər.