Bir müddətdir ki, qarnı irəliyə doğru böyüyən 35 yaşlı Aysel Geylan son vaxtlar çox kökəldiyini və ağrısının artıq çəkidən qaynaqlandığını düşünürdü.

Onu görənlər hamilə olduğunu sandılar, hətta körpənin cinsini soruşanlar da oldu.

Aztibb.az xəbər verir ki, Türkiyədə yaşayan və 2 uşaq anası olan evil qadına ailə həkimi idaman etməyi, gəzintiyə zaman ayırmağı məsləhət görür.

Lakin vəziyyəti dəyişmədiyi üçün Aysel Geylan Amasya Universitetinin Sabunçuoğlu Şərafəddin Təhsil və Araşdırma Xəstəxanasına müraciət edir.

Xəstəxanaya gələndə həkimlər 9 aylıq hamilə olduğunu sanmışdılar. Müayinələrdən sonra əməliyyat olunan qadının qarnında 6,4 kq ağırlığında bir kütlə tapıldı.  

Əməliyyatı aparan Dr. Kara hər bir qadının ildə ən azı bir dəfə keçməsi vacib olan ginekoloji müayinələrin potensial ölümcül xəstəliklərin erkən diaqnozu üçün zəruri olduğuna diqqət çəkdi: “Xüsusilə də qadın xəstəliklərində yumurtalıq kistaları və yumurtalıq xərçənginə erkən diaqnoz qoyulmur. Bu səbəbdən qadınların mütəmadi olaraq ginekoloqa müraciət etmələri, eyni zamanda onkoloji müayinədən də keçmələri faydalı olardı”