Əmanətlərin Sığortalanması Fondunda (ƏSF) 1 iyun – Uşaqların Beynəlxalq Müdafiəsi Günü münasibətilə hemofiliya və talassemiya xəstəliyindən əziyyət çəkən uşaqlara könüllü və təmənnasız kömək məqsədilə qanvermə aksiyası keçirilib.
Aztibb.az xəbər verir ki, Fonddan verilən məlumata görə, hazırda respublikada yüzlərlə qan xəstəliklərindən əziyyət çəkən uşaqların köməyə ehtiyac var. Bildirilib ki, onların həyatı kütləvi qanvermə aksiyalarından asılıdır.
Aksiyada iştirak edən əməkdaşlar qan xəstəliklərindən əziyyət çəkən uşaqlar üçün könüllü qanvermənin xeyirxah və savab iş olduğunu vurğulayaraq, bu tipli aksiyalarda yaxından iştirak etməyin vətəndaşlıq borcu olduğunu bildiriblər.
Sosial yönümlü aksiya mövcud pandemiya vəziyyəti ilə əlaqədar sosial izolyasiya qaydalarına uyğun, zəruri təhlükəsizlik tədbirlərinə riayət olunmaqla həyata keçirilib.
