Aztibb.az tibbi mənbələrə istinadla xəbər verir ki, qidanın həzmi ağızda çeynənmə ilə başlayır. Çeynənmiş qida udularaq mədəyə düşür, həzm fermentləri ilə qarışaraq kimyəvi mübadilə başlayır ki, bu da nazik bağırsaqda davam edir. Ən son həzm prosesi yoğun bağırsaqda tamamlanır və qalıq orqanizmdən xaric olunur.

 

Həzm prosesi zamanı az miqdarda qazın əmələ gəlməsi normaldır və yaranmış qaz mədə-bağırsaq sistemi tərəfindən orqanizmdən xaric olunur. Lakin bəzən bu həddən çox olur və patoloji hal alır ki, pasiyent qazı xaric edə bilmədiyi üçün narahat olur, bu halda müalicə olunmaq lazımdır.

 

Qazın əmələgəlmə səbəbləri:

 

• Bağırsaq florasının pozulması (disbiyozis);

• Həzm prosesinə bağlı hissiyyatın olmaması (nəcis və qaz xaric etmə aktı);

• Həzm fermentlərinin çatışmazlığı (öd kisəsi əməliyyatı sonrası, disbiyozla əlaqədar olaraq əmələ gələn pankreas fermentlərinin çatışmazlığı);

• Bağırsaq göbələyi (Candida) və s;

 

Bu səbəblərin yaranmasına zəmin yaradan hallar isə aşağıdakılardır:

 

• Sürətli şəkildə qida qəbulu;

• Uzun aclıqdan sonra bir dəfəyə çox miqdarda qidanın qəbulu;

• Rejimsiz qidalanmaq;

• Birtərəfli qidalanma;

• Az su içmək;

• Yemək yeyərkən su içmək;

• Rafinə olunmuş qidalar qəbul etmək;

• Axşam saatlarında çox yemək;

• Tualet qaydalarının olmaması;

• Lifli qidaların azlıq təşkil etdiyi qidalarla qidalanmaq.

 

Bütün bunları nəzərə alaraq hələ də meteorizm problemləri varsa, mütəxəssis həkimə müraciət etmək məsləhətdir.

 

Qidanın fermentativ parçalanmasından sonra bağırsaq bölgəsindən gələn limfa, bağırsaq divarlarında olan və limfa sisteminin 80%-ni təşkil edən ən böyük limfatik orqan Peyer plaklarının da açıldığı ən vacib təmizləyici orqan qaraciyərə gətirilir. Qeyri-düzgün qidalanma nəticəsində bağırsaqlarda yığılan toksinlərin qaraciyərə daxil olmadan Peyer plaklarını blok edir. Orqanizm uzun müddət bu zəhərlənmə nəticəsində kompensator olaraq işlədiyi zaman bir müddət sonra bu hal hər hansısa xəstəlik şəklində özünü biruzə verməyə başlayır. Buraya aşağıdakı xəstəliklər aiddir:

 

• Allergiya;

• Xroniki dəri xəstəlikləri;

• Revmatik xəstəliklər;

• Müxtəlif mikrob mənşəli xəstəliklər;

• Xroniki yorğunluq;

• Yuxu problemləri;

• Psixoloji xəstəliklər.

 

Bu kimi xəstəliklər illərlə davam edən bağırsaq zəhərlənmələrinin nəticəsidir.

 

Bundan başqa immun sistemə bir sıra digər problemlər də mənfi təsir göstərir. Bunlara depressiya, motivasiya əksikliyi, həddən artıq gərginlik, daimi yorğunluq və istəksizlik, müalicəyə tabe olmayan generalizə olunmuş qaşıntı və s. aiddir.