Həkim bildirib ki, şəkərli diabet xəstələrinin sayı Azərbaycanda kifayət qədərdir. Bu xəstəliyin artması və səbəbləri haqqında dəqiq məlumat vermək çətindir .Lakin onun qarşısının alınması və müalicəsi qismən mümkündür.

Diabet, mədəaltı vəzi kifayət qədər insulin istehsal etmədikdə və ya bədən istehsal etdiyi insulindən effektiv şəkildə istifadə edə bilmədiyi zaman baş verən xroniki bir xəstəlikdir. İnsulin qanda qlükoza səviyyəsini tənzimləyən bir hormondur.

 

Onun sözlərinə görə, görmə pozğunluqları, səbəbsiz kilo itkisi və ya çəki artımı, yorğunluq və enerji mübadiləsində dəyişikliklər diabetin digər əlamətləridir. Şpris, insulin pompası və ya insulin qələmindən istifadə edərək insulin inyeksiyası tip 1 diabetin əsas müalicəsidir. Tip 2 diabet idman, həyat tərzi dəyişiklikləri, pəhriz, antihiperglisemik (şəkər azaldıcı) dərmanlar və insulin əlavələri ilə idarə olunur. Diabetin normaldan çox yemə və doymama hissi, tez-tez sidiyə çıxmaq, ağızda quruluq və buna bağlı olaraq həddindən artıq su içmə istəyi kimi əlamətləridə vardır.

 

Gülbəniz Salehova qeyd edib ki, bu xəstəlik xroniki bir vəziyyətdir və sağlamlığınızı qorumaq üçün yaxşı bir həkim nəzarəti vacibdir. Şəkərli diabetin təsirlərini minimuma endirmək üçün həkiminizin tövsiyələrinə əməl etmək və mütəmadi olaraq müayinələrdən keçməlisiniz.