Süd məhsulları içərisində fosfor və kalsiumla zəngin olan kəsmiyin xüsusi yeri var. Özündə ehtiva etdiyi zülal, B qrupu vitaminləri və amin turşuları onu qaraciyər xəstəliklərinin profilaktikası üçün ən xeyirli qidalardan birinə çevirir.

Aztibb.az tibbi mənbələrə istinadla xəbər verir ki, kəsmik yağlılıq dərəcəsinə görə yağlı, yağsızlaşdırımış və pəhriz növlərinə bölünür. Diyetoloqların fikrincə, maddələr mübadiləsinin tənzimlənməsində xüsusi rol oynayan az yağlı məhsuldan istifadə daha məqsədəuyğundur.

Kəsmiyin amin turşuları və doymamış yağ turşuları ilə zəngin olması onun bütün yaş dövrlərində qəbul olunmasını zəruri edir. Bu məhsul orqanizmdə xolesterolun səviyyəsini azaldır. Ən əsası isə o, orqanizmin güclü toksinlərin və ya müəyyən dərman preparatlarının təsirinə məruz qaldığı zaman qaraciyərdə yağlanmanın qarşısını alır.

Amin turşularından (zülal) əlavə, kəsmik (xüsusilə A, E, F, B2 B6 və B12) fol turşusu, kalsium, dəmir, natrium, maqnezium, mis, sink, fosfor və flüor duzları kimi vitaminlərlə zəngindir. Məhz buna görə də, kəsmik asanlıqla həzm olunur. Hamilə qadınlar və südverən analar kəsmikdən yaxşı kalsium və digər mikroelementlər mənbəyi tapa bilməz.

Onu uşaqların qida rasionuna daxil etmək üçün körpələrin altı ayı keçməsi məsləhət görülür. Kəsmik orqanizmin toxumalarının böyüməsi və bərpası üçün lazımlıdır. Mütəxəssislər mənşəyi, hazırlanma şəraiti məlum olmayan, saxlanma müddəti ötmüş məhsulun sağlamlığa ciddi ziyan vurduğunu bildirilər. Elə buna görə də kəsmik alarkən bir sıra məqamlara mütləq diqqət yetirmək lazımdır. Rasiona gündəlik olaraq 150-200 qram kəsmik əlavə edilə bilər.