Kaliforniya Universiteti və Stenford Tibb Məktəbinin mütəxəssisləri insanın tərinin tədqiqi yolu ilə orqanizmdə dərman vasitəsinin səviyyəsinin izlənilməsi üçün elektrokimyəvi analizdən istifadə edən “ağıllı saat” hazırlayıblar.

Aztibb.az meddaily.ru istinadla xəbər verir ki, sistem konkret pasiyentə terapevtik potensialı maksimallaşdırmaq və əlavə təsirlərdən yayınmaq üçün düzgün dərmanı, dozanı və qəbul vaxtını seçməyə kömək edə bilər. Tərdə dərmanların səviyyəsinin ölçülməsinin real zamanda, fasiləsiz və qeyri-invaziv baş verməsi isə olduqca əhəmiyyətlidir.

Alimlərin sözlərinə görə, tər qana etibarlı alternativ kimi çıxış edə bilər. Bir çox dərmanlar üçün tər və qanda səviyyələr oxşardır.

İstehsalçılar qeyd edirlər ki, yeni həll artıq terapiyanın effektivliyinin artırılmasında öz təsirini göstərib.