London Universitetinin tədqiqatçıları "Allergan Pharmaceuticals" və "Glaucoma UK"in dəstəyi ilə ilk dəfə qlaukoma diaqnozu qoyulmuş insanlara kömək edəcək mobil əlavə (proqram) istifadəyə veriblər.

Aztibb.az medikforum.ru-ya istinadla xəbər verir ki, "The Glaucoma in Perspective" əlavəsi pasiyentlərə və ailələrinə xəstəliyin onların həyatına potensial təsirini anlamaq üçün kömək edəcək informasiya təqdim edir. Proqramda görmə məsafəsinin yoxlanması, göz təzyiqinin əhəmiyyəti, həmçinin xəstəliyin inkişaf etməsi riskini azaltmaq üçün göz damcılarından düzgün istifadə ilə bağlı informativ materiallar yer alıb.

Əlavənin əsas funksiyalarından biri qlaukoma zamanı, xüsusilə xəstəliyin erkən mərhələlərində yarana bilən görmənin qısamüddətli itməsi ilə əlaqdar interaktiv nümayişlər seriyasının təqdim olunmasıdır.

Proqramda, həmçinin istifadəçilərə onların xəstəliyinin vəziyyəti və animasiya şəkillərinin köməyi ilə mümkün müalicə metodları haqqında aktual informasiya verilir.