Türkiyənin Selçuk Universiteti tərəfindən Azərbaycan Tibb Universitetinə (ATU) 30 adda kitab hədiyyə olunub.

 

Aztibb.az xəbər verir ki, bu kitablar universitetdə yeni tədris olunmağa başlanılan "Tibb bacısı" ixtisası ilə bağlı dərs proqramını əhatə edən dərsliklərdir. ATU-da tədris prosesinə töhfə olacaq yeni nəşrlər artıq tələbələrin istifadəsi üçün universitetin kitabxanasına verilib.

 

Qeyd edək ki, Selçuk Universiteti ilə ATU arasında müxtəlif istiqamətlər üzrə əməkdaşlığa dair memorandumun imzalanması planlaşdırılır. Bu barədə bir müddət əvvəl iki ali müəssisənin rəhbərliyi arasında keçirilən onlayn görüş zamanı razılıq əldə olunub. Gələcəkdə iki ali məktəb arasında tələbə, rezident və müəllim mübadilələrinin aparılması, müştərək elmi işlərin və layihələrin icrası nəzərdə tutulur.