Avropa İttifaqının maliyyə dəstəyi və Ümumdünya Səhiyyə Təşkilatının (ÜST) təşkilatçılığı ilə həyata keçirilən “Sağlamlıq üçün Həmrəylik Təşəbbüsü” layihəsinin I mərhələsi çərçivəsində “Təlimçilər üçün təlim” treninqlərinə start verilib.

Aztibb.az xəbər verir ki, Azərbaycan Tibb Universitetindən  (ATU) verilən məlumata görə, treninqlərdə universitetin Tədris şöbəsinin müdiri Samir Cavadov, Təhsilin keyfiyyətinin təminatı və İnnovasiya şöbəsinin müdiri Nigar Sədiyeva, kafedra əməkdaşları İlahə Rəsul, Lalə Qasımova, İlham Bayramov, Nilufər Məmmədova, Leyla Məmmədova iştirak ediblər.

Qeyd edək ki, layihənin məqsədi Şərq Tərəfdaşlığı ölkələrində ictimai səhiyyə sahəsində fövqəladə vəziyyətlərin qarşısını almaq, hazırlıq və mübarizə imkanlarını gücləndirməkdir.