Yaponiyada "Donut Robotics" texnologiya şirkəti sosial məsafəni qorumağa kömək edən “ağıllı” maska hazırlayıb.
Aztibb.az hromadske.ua saytına istinadən xəbər verir ki, maska üzərində dəliklər olduğuna görə koronavirusdan birbaşa qorunmanı təmin etmir. Bu maska adi qoruyucu maskanın üstündən taxılır.
Qeyd edilib ki, maska öncə robot üçün plastik və silikondan hazırlanıb. Lakin koronavirus epidemiyası başlayanda şirkət bunu maska üçün uyğunlaşdırıb.
Buna yapon dilindən yeddi - Çin, Koreya, Vyetnam, İndoneziya, İngilis, İspan və Fransız dillərinə tərcümə edə bilən mikrofon quraşdırılıb. Maska "Bluetooth" vasitəsilə smartfona qoşulur və xüsusi bir tətbiqlə birlikdə işləyir. Bu maska insanın dediklərini yazıya çevirir və oxuyur.
Şirkət 40-50 dollar civarında satılması nəzərdə tutulan maskanı ilk olaraq 10 minə qədər, 2021-ci ildə isə daha çox satışa buraxmağı planlaşdırır.
Qeyd edək ki, koronavirus yayılandan bəri dünyanın hər yerindən elm adamları daha çox virusdan qoruyan maskalar yaratmağa çalışır.
Belə ki, İsrail alimləri yemək zamanı istifadə edilə bilən uzaqdan idarə olunan anti-koronavirus maskası hazırlayıblar.
Yaponiyanın İdman Agentliyi isə suda koronavirusa yoluxma ehtimalının olmadığını bildirsə də, istehsalçılar üzgüçülük müəllimləri üçün də qoruyucu maska təqdim ediblər.