"Mənim qəhrəmanım sənsən: COVID-19-a qarşı mübarizə aparan uşaqlar" kitabı Dağlıq Qarabağ münaqişəsinin təsirinə məruz qalmış bölgələrdən olan 400-ə yaxın ailəyə və digər həssas qruplardan olan 80 uşağa təqdim edilib.

Kitab Ümümdünya Səhiyyə Təşkilatının (ÜST) təşəbbüsü, USAID və UNICEF-in dəstəyi ilə Azərbaycan dilində çap olunaraq Beynəlxalq Qızıl Xaç Komitəsi tərəfindən bölgələrdə paylanılıb.

Aztibb.az xəbər verir ki, ÜST-ün Azərbaycan nümayəndəliyindən bildirilib ki, sözügedən kitab əsasən 6-11 yaşlı uşaqlar üçün nəzərdə tutulub. Kitabın hazırlanmasında məqsəd uşaqlara COVID-19-dan qorunmanın yollarını öyrətmək və sürətlə dəyişən reallıqda çətin emosiyaların necə idarə olunmasını izah etməkdir.

Kitabdakı hekayə uşaqlar tərəfindən çox bəyənilib. Bu, COVID-19-la bağlı tövsiyələrdən çox, onlara müəyyən qədər də olsa, gərgin mühitdən ayrılmaq imkanı yaradıb.

Qeyd edək ki, kitab Azərbaycanın Cenevrədəki BMT Bölməsi və digər təşkilatlar yanında Daimi Nümayəndəliyinin və ÜST-ün birgə təşəbbüsü ilə qurumun Azərbaycan nümayəndəliyi tərəfindən tərcümə edilib.

Kitabın Azərbaycan dilində tam versiyası: https://bit.ly/2yTc4yx.