"Ölkə rəhbərliyinin səyi nəticəsində Azərbaycan da ən zəngin ölkələr siyahısına daxil olaraq vaksinasiyaya başlayıb".

Bunu jurnalistlərə açıqlamasında Səhiyyə naziri Oqtay Şirəliyev deyib.

Onun sözlərinə görə, əksər ölkələrdə vaksinasiya ilin sonunda başlayacaq: "Azərbaycan bütün şirkətlərlə əlaqədə olub. Mütəxəssislər qərara gəlib ki, Azərbaycan üçün ən yaxşı vaksin "Sinovac" şirkətinin vaksinidir. Bir neçə ölkədə bu vaksin kliniki sınaqlardan keçib və kifayət qədər təhlükəsiz olduğu sübut edilib. Bu vaxta kimi heç bir fəsad aşkar edilməyib. İnsanları vaksinasiyaya qoşulmağa dəvət edirik".