Yapon startapı “Quantum Operation” “CES-2021” onlayn sərgisində qanda qlükoza səviyyəsini qeyri-invaziv monitorinq etmə kimi unikal funksiyaya malik "ağıllı" saat modelini nümayiş etdirib.

4pda.ru saytı xəbər verir ki, "Quantum Operation"ın bəyanatına əsasən, təqdim edilmiş qurğu istifadəçinin qanında şəkərin səviyyəsini dərini deşmədən dəqiq ölçmək və ona nəzarət etmək imkanına malikdir. Bunun üçün "ağıllı" qadcetin sahibi qurğunun menyusunda müvafiq bəndi seçməlidir, 20 saniyə sonra isə o, nəticəni alınacaq. İstehsalçıların bildirdiyinə görə, qadcet qeyri-invaziv ölçülmə üçün Raman spektroskopiyası metodunu tətbiq edir.

Qeyd edək ki, daşınan qurğuların köməyi ilə qanda qlükozanın səviyyəsinin biləkdən ölçülməsi üçün işıq şüasından istifadə texnologiyası indiyədək digər şirkətlər tərəfindən də araşdırılıb. Məsələn, "Apple" daha əvvəl analoji konsepsiyanı patentləşdirib, lakin onu reallaşdırıla bilməyib.

"Quantum Operation"ın "ağıllı" saatları nəbzin tezliyi və EKQ daxil olmaqla sağlamlığın monitorinqi funksiyalarını və başqa göstəricilərini dəstəkləyir.

"Tibbi" smart-saatın ticari versiyasının meydana çıxma vaxtı barədə istehsalçılar hələ ki, dəqiq məlumat vermirlər.