Kran suyunda xoşagəlməz dad - Kimya mütəxəssisi hansı hallarda onun içilməsinin təhlükəli olduğunu açıqlayıb
16.11.2026 07:48

Kran suyunda qəfil yaranan metal dadı onun tərkibində dəmir, mis və digər metalların birləşmələrinin olmasından xəbər verə bilər.

 

Aztibb.az "Life" portalına istinadən yazır ki, suyun tərkibində təhlükəli qarışıqların olub-olmadığını yalnız dadına görə müəyyənləşdirmək mümkün deyil. Buna görə də suyun keyfiyyətində davamlı dəyişiklik müşahidə edildikdə, səbəbi aydınlaşdırılana qədər onun içilməsindən çəkinmək tövsiyə olunur. Bu barədə kimya üzrə fəlsəfə doktoru Andrey Doroxov açıqlamasında bildirib.

Mütəxəssisin sözlərinə görə, metallar suya həm təbii mənbələrdən, həm də su təchizatı sistemindən qarışa bilər. Vaxt keçdikcə borular və birləşdirici hissələr korroziyaya uğrayır, nəticədə suyun tərkibində kənar maddələr yaranır. Bu proses çox vaxt suyun sarımtıl rəng alması, çöküntünün əmələ gəlməsi və santexnika avadanlıqlarında pas izlərinin görünməsi ilə müşayiət olunur.

Həkim bildirib ki, suda həll olmuş ikivalentli dəmir ilkin mərhələdə onun rəngini dəyişməyə bilər. Lakin oksigenlə təmas zamanı oksidləşərək pası xatırladan qəhvəyi birləşmələr əmələ gətirir.

Məhz buna görə də krandan axan su əvvəlcə tam şəffaf görünə, bir müddət sonra isə qəhvəyi rəng ala bilər. Dəmirin konsentrasiyası yüksək olduqda suda xarakterik metal və ya büzüşdürücü dad da hiss edilə bilər.

Kimya mütəxəssisi qeyd edib ki, bu cür dəyişikliklər daha çox temperaturun mövsümi tərəddüdləri fonunda nəzərə çarpır. Bununla belə, problemi yalnız payız mövsümü ilə əlaqələndirmək düzgün deyil. Korroziyanın sürətinə suyun turşuluq dərəcəsi, boruların texniki vəziyyəti və suyun boru sistemində qalma müddəti də təsir göstərir.

Bununla yanaşı, metal dadının hiss edilməsi suyun mütləq zəhərli olması demək deyil. Dəmirin bəzi birləşmələri, ilk növbədə, suyun dadını, qoxusunu və rəngini pisləşdirir. Daha ciddi təhlükə isə qurğuşun da daxil olmaqla, bəzi zərərli maddələrin xarici əlamətlərə əsasən etibarlı şəkildə müəyyən edilə bilməməsidir.

Əgər suda xoşagəlməz metal dadı qəfil yaranıbsa, suyu bir müddət axıtdıqdan sonra da bu dad qalırsa, üstəlik bulanıqlıq və çöküntü müşahidə edilirsə, Ekspert müvəqqəti olaraq həmin sudan içmək və yemək hazırlamaq üçün istifadə etməməyi tövsiyə edir. Suyun dəqiq kimyəvi tərkibini və təhlükəsizlik səviyyəsini yalnız laborator müayinəsi vasitəsilə müəyyənləşdirmək mümkündür.

ÇOX OXUNANLAR
 Mərkəzi Gömrük Hospitalının patomorfoloqları 35-ci Milli Patologiya Konqresində iştirak ediblər   
Alimlər həyatın heç vaxt mövcud olmadığı Yer kürəsinin necə görünəcəyini modelləşdiriblər
 Mərkəzi Gömrük Hospitalının şöbə rəisi “Certificate of Merit” Fəxri Xidmət Sertifikatı ilə təltif olunub   
 Cəbrayıl RMX-da mövsümi qripə qarşı vaksinasiya prosesinə başlanılıb   
Dövlət Gömrük Komitəsinin Tibbi Xidmət İdarəsinin rəis müavini ÜST-nin Cenevrədə keçirilən beynəlxalq toplantısında iştirak edib
Cəlilabad RMX-nın tabeliyində fəaliyyət göstərən Ailə Sağlamlıq Mərkəzlərinə baxış keçirilib
Uşaq sığınacağında tibbi müayinələr təşkil olunub
Qalxanabənzər vəz xəstəlikləri bağırsaq mikrobiotası ilə əlaqəli ola bilər – Alimlərdən yeni araşdırma
Minnətdarlıq hissi beynin fəaliyyətinə təsir edir - Elmi araşdırmalar nə deyir?
Vitamin C haqqında nə qədər məlumatlısınız?
 Mərkəzi Gömrük Hospitalının rəis müavini Türkiyədə beynəlxalq təlimdə iştirak edib   
 Beyləqanın Qəhrəmanlı kənd sakinləri üçün səyyar tibbi müayinə keçirilib   
Qazaxıstanlı həkim-rezidentlər Ə.Əliyev adına ADHTİ-də akademik təcrübə proqramını başa vurublar
Vüqar Fərhadov Gəncə Beynəlxalq Xəstəxanasında pasiyentləri qəbul edəcək
 Bərdə Rayon Ağsaqqallar Şurasının üzvləri Bərdə RMX-nın Hemodializ şöbəsini ziyarət ediblər