Bakı Sağlamlıq Mərkəzinin icraçı direktoru, dosent Asiman Həsənov və mərkəzin rəhbərliyi Vətənimizin ərazi bütövlüyü və suverenliyi uğrunda canından keçmiş şəhidlərimiz Rauf İbadov və Vüqar Ağayevin məzarlarını ziyarət ediblər.

Mərkəzdən Aztibb.az-a bildirilib ki, ziyarət zamanı qəhrəman şəhidlərimizin əziz xatirəsi dərin ehtiramla yad edilib, məzarları üzərinə gül dəstələri düzülüb.

Bakı Sağlamlıq Mərkəzi Vətən müharibəsi dövründə olduğu kimi, müharibədən sonrakı illərdə də şəhid ailələrinin və qazilərimizin yanında olmağı özünün mənəvi borcu hesab edir. Onlara göstərilən diqqət, qayğı və dəstək mərkəzimizin sosial məsuliyyət prinsiplərinin ayrılmaz hissəsidir.

Vətən uğrunda canından bütün şəhidlərimizin qəhrəmanlığı və fədakarlığı heç vaxt unudulmayacaq, onların əziz xatirəsi daim ehtiramla anılacaq.

Allah bütün şəhidlərimizə rəhmət eləsin, qazilərimizə cansağlığı versin!