STM-in həkimi Qırğız Respublikasının səhiyyə nazirinin ictimai əsaslarla fəaliyyət göstərən müşaviri təyin olunub
05.11.2026 09:25

Sumqayıt Tibb Mərkəzinin nəzdindəki Uşaq Xəstəxanasının həkim-kardioloqu, Azərbaycan Pediatriya Assosiasiyasının İdarə Heyətinin üzvü, tibb üzrə fəlsəfə doktoru Elnur İmanov Qırğız Respublikasının səhiyyə nazirinin ictimai əsaslarla fəaliyyət göstərən müşaviri təyin olunub.

 

Bu barədə Aztibb.az-a STM-dən bildirilib.

 

Bununla yanaşı, Elnur İmanov Qırğız Respublikasının Oş şəhərində yerləşən tibb universitetində və Həkimlərin Təkmilləşdirilməsi İnstitutunda uşaq kardiologiyası üzrə müəllim vəzifəsinə təyin edilib.

 

Qeyd edək ki, tanınmış invaziv uşaq kardioloqu Elnur İmanov 1992–2001-ci illərdə Türkiyənin İstanbul Universitetinin “Cerrahpaşa” Tibb fakültəsində təhsil alıb. 2004–2006-cı illərdə Azərbaycan Tibb Universitetində aspirantura təhsili alıb, eyni zamanda İstanbul Universitetinin Çapa Tibb fakültəsində uşaq xəstəlikləri üzrə ixtisaslaşıb. 2006–2009-cu illərdə isə İstanbulda Dr. Siyami Ersek Ürək-Damar Cərrahiyyəsi Xəstəxanasında uşaq kardiologiyası üzrə təhsilini davam etdirib.

 

O, ixtisaslaşmasını ABŞ-ın Çikaqo şəhərində yerləşən Rush Universitetində davam etdirib. 2009–2011-ci illərdə Mərkəzi Klinikada, 2011–2019-cu illərdə Akademik M.A. Topçubaşov adına Elmi-Cərrahiyyə Mərkəzində çalışıb. 2019-cu ildən Azərbaycan Tibb Universitetinin Tədris-Terapevtik Klinikasının II Uşaq xəstəlikləri kafedrasında həkim-uşaq kardioloqu və müəllim kimi fəaliyyət göstərir.

 

Elnur İmanov ABŞ Pediatrik və Konjenital Kardiologiya Assosiasiyasının, Avropa Kardiologiya Cəmiyyətinin müəllim heyətinin, Türkiyə Pediatrik Kardiologiya Cəmiyyətinin və Azərbaycan Kardiologiya Cəmiyyətinin üzvüdür. Onun yerli və xarici elmi nəşrlərdə 60-dan çox elmi işi dərc olunub.

 

Bununla yanaşı, Elnur İmanov dünya miqyaslı ABBOTT təhsil şəbəkəsində proktor həkim statusu qazanan 12 mütəxəssisdən biridir. Bu status ona Asiya, Yaxın Şərq, Qafqaz və Şimali Afrika ölkələrində invaziv uşaq kardiologiyası üzrə təlimçi kimi fəaliyyət göstərmək imkanı verir.

 

Elnur İmanovu yeni təyinatları münasibətilə təbrik edir, beynəlxalq fəaliyyətində uğurlar arzulayırıq!

ÇOX OXUNANLAR
 ATU-da orqan donorluğu və transplantasiyanın aktual məsələləri müzakirə olunub   
Şirvan ŞMX-da üst çənə sinusunun kistasının xaric edilməsi əməliyyatı uğurla icra olunub
Probiotiklərin orqanizmə təsiri nədir və hansı hallarda istifadəsi tövsiyə oluna bilər?
 Qobustan RMX-nın Ərəbşalbaş kənd həkim məntəqəsində səyyar tibbi müayinələr təşkil olunub   
Dövlət Tibbi Sığorta və Ekspertiza Agentliyinin təşkilatçılığı ilə şəhid ailələri üçün sağlamlıq aksiyasına start verilib
Şəhid anasının dalağında aşkarlanan çoxsaylı kistalarla əlaqədar laparoskopik üsulla cərrahi əməliyyat icra olunub
Yeni Klinikanın elmi tədqiqatı Dünya Neyroreabilitasiya Konqresində təqdim olunub
Səhiyyə Nazirliyinin dəstəyi ilə Tərtər və Suqovuşanda kardioloji AKSİYA
                  Qızıl birləşmələrini metal qızıla çevirən bakteriya aşkar edilib                        
Tibb elmləri doktoru Rəşad Şolan Türk Dünyası Transplantasiya Cəmiyyətinin Azərbaycanda rəsmi nümayəndəsi təyin olunub  
İlon Mask: Görmə qabiliyyətini bərpa etməyə yönəlmiş beyin implantı sınaqlara hazırdır
Bağırsağın quruluşundan ilhamlanan bakterial bioelement hazırlandı
Diabet və piylənmənin dərmansız müalicəsi istiqamətində yeni texnologiya - Qanda şəkəri və bədən çəkisini tənzimləyən elektron cihaz
Xankəndi şəhərinin təcili tibbi yardım əməkdaşları stasionardan kənar doğuşu uğurla həyata keçiriblər  
Səhiyyə naziri Anar Bayramov 3-cü Beynəlxalq Sağlamlıq Turizmi Konfransında iştirak edib