Cəbrayıl Rayon İcra Hakimiyyətinin təşkilatçılığı ilə Azərbaycan Respublikası Səhiyyə Nazirliyinin “Respublika Qan Bankı” Publik Hüquqi Şəxsi tərəfindən Cəbrayıl rayonunda qanvermə aksiyası keçirilib.
Bu barədə Aztibb.az-a Cəbrayıl RMX-dan məlumat verilib.
Bildirilib ki, aksiyada rayonun müxtəlif idarə, müəssisə və təşkilatlarının əməkdaşları, ictimaiyyət nümayəndələri iştirak ediblər.
Hər bir donor tibbi müayinədən keçdikdən sonra, onlardan qan analizi götürülərək aksiyada iştirak etmələri ilə bağlı rəy verilib.
Respublika Qan Bankının “Talassemiyasız həyat naminə” proqramı çərçivəsində keçirilən aksiyada məqsəd talassemiya, hemofiliya və digər ağır qan xəstəliklərindən əziyyət çəkən şəxslərin, eləcə də təcili cərrahi müdaxiləyə ehtiyacı olan xəstələrin sağlamlığının qorunmasına dəstək olmaq və onların həyatını xilas etməkdir.
