Tovuz Rayon Mərkəzi Xəstəxanası tərəfindən əhalinin sağlamlığının qorunması, tibbi xidmətlərin əlçatanlığının artırılması və vətəndaş məmnunluğunun təmin edilməsi məqsədilə rayonun ucqar dağ kəndlərindən biri olan Kirən kəndində səyyar tibbi müayinə təşkil olunub.

 

Xəstəxanadan Aztibb.az-a verilən xəbərə görə, səyyar tibbi briqada İSX üzrə direktor müavini Kəmalə Abbasovanın rəhbərliyi ilə fəaliyyət göstərib. Müayinələrdə kardioloq, oftalmoloq, terapevt, stomatoloq, nevropatoloq, pediatr, ginekoloq və otorinolarinqoloq iştirak ediblər.

 

Tibbi müayinə zamanı Kirən və ətraf kəndlərin sakinləri müxtəlif ixtisaslı həkimlərin müayinəsindən keçib, sağlamlıq vəziyyətləri qiymətləndirilib və müvafiq tibbi tövsiyələr verilib.

 

Bu cür səyyar tibbi müayinələrin keçirilməsində əsas məqsəd ucqar yaşayış məntəqələrində əhalinin ixtisaslı tibbi xidmətlərə əlçatanlığını təmin etmək, xəstəliklərin erkən aşkarlanmasına şərait yaratmaq və profilaktik tədbirləri gücləndirməkdir.