30 oktyabr 2026-cı il tarixində Azərbaycan Tibb Universitetinin (ATU)İ ctimai sağlamlıq və səhiyyənin təşkili kafedrasının yaradılmasının 100 illiyinə həsr olunmuş “İctimai sağlamlığa aparan 100 il” adlı beynəlxalq elmi-praktik konfrans keçiriləcək.

Konfransın əsas istiqamətləri Birləşmiş Millətlər Təşkilatının Dayanıqlı İnkişaf Məqsədləri ilə, xüsusilə SDG 3 – Sağlamlıq və rifah, SDG 4 – Keyfiyyətli təhsil, SDG 9 – Sənaye, innovasiya və infrastruktur və SDG 17 – Məqsədlər naminə tərəfdaşlıq məqsədləri ilə uzlaşır. Bu çərçivədə sağlamlığın qorunması, keyfiyyətli tibbi xidmətlərə əlçatanlığın artırılması, tibb təhsilinin inkişafı, səhiyyədə innovativ texnologiyaların tətbiqi və beynəlxalq elmi əməkdaşlığın gücləndirilməsi məsələləri xüsusi əhəmiyyət kəsb edir.

Konfrans çərçivəsində üç panel üzrə elmi məruzələr təqdim olunacaq. Müzakirələrdə səhiyyə sisteminin dayanıqlılığı, tibbi xidmətlərin keyfiyyəti, xəstəliklərin profilaktikası, səhiyyənin maliyyələşdirilməsi, rəqəmsal texnologiyalar və innovativ həllər kimi aktual məsələlərə toxunulacaq. Bu mövzular sağlamlıq və rifahın təşviqi, dayanıqlı səhiyyə sistemlərinin qurulması və səhiyyə xidmətlərinin səmərəliliyinin artırılması baxımından Dayanıqlı İnkişaf Məqsədlərinin həyata keçirilməsinə töhfə verir.

Beynəlxalq tədbirdə Azərbaycanla yanaşı, Türkiyə, Qazaxıstan, Özbəkistan, Belarus, Moldova və Rusiyadan olan alim və mütəxəssislərin iştirakı nəzərdə tutulub. Beynəlxalq təcrübə mübadiləsi və elmi tərəfdaşlıqlar səhiyyə sahəsində ortaq çağırışların həllinə və SDG 17 çərçivəsində əməkdaşlığın inkişafına imkan yaradacaq.

Konfrans Azərbaycan Tibb Universitetinin tədris binalarında keçiriləcək. Proqrama əsasən, panel iclasları saat 12:00-da başlayacaq.