Azərbaycan Respublikası Səhiyyə Nazirliyinin və Azərbaycan Tibb Universitetinin (ATU) təşkilatçılığı ilə 30 oktyabr 2026-cı il tarixində ATU-nun İctimai sağlamlıq və səhiyyənin təşkili kafedrasının yaradılmasının 100 illik yubileyinə həsr olunmuş beynəlxalq elmi konfrans keçiriləcək.

 

Bu barədə Aztibb.az-a ATU-dan məlumat verilib.

 

Bildirilib ki, beynəlxalq tədbirdə Azərbaycanla yanaşı, Türkiyə, Qazaxıstan, Özbəkistan, Belarus, Moldova və Rusiyadan olan alim və mütəxəssislərin iştirakı nəzərdə tutulur.

 

Konfransın əsas məqsədi ictimai səhiyyə sahəsində beynəlxalq təcrübə mübadiləsini genişləndirmək, elmi əməkdaşlığı gücləndirmək və səhiyyə sahəsində ortaq çağırışların həllinə töhfə verməkdir.

 

Tədbir, həmçinin BMT-nin Dayanıqlı İnkişaf Məqsədlərinin 17-ci məqsədi (SDG 17) — Dayanıqlı inkişaf naminə tərəfdaşlıqlar çərçivəsində əməkdaşlığın inkişafına xidmət edəcək.

 

Tədbir ictimai səhiyyə sahəsində elmi nailiyyətlərin, qabaqcıl təcrübələrin və gələcək əməkdaşlıq imkanlarının müzakirəsi üçün mühüm platforma olacaq.

Məkan: Azərbaycan Tibb Universitetinin tədris binaları