15 oktyabr 2026-cı il tarixində Azərbaycan Tibb Universitetinin Tibb və sağlamlıq elmləri təhsili kafedrası tərəfindən tibb kollecinin müəllimləri üçün “Klinik bacarıqların tədrisi və qiymətləndirilməsində müasir yanaşmalar” mövzusunda praktik seminar təşkil olunur.

 

ATU-dan Aztibb.az-a bildirilib ki, seminarın əsas məqsədi klinik bacarıqların tədrisi və qiymətləndirilməsi sahəsində müasir yanaşmaların müzakirəsi, innovativ tədris metodları ilə tanışlıq və akademik təcrübə mübadiləsi üçün interaktiv mühitin yaradılmasıdır.

 

Seminar saat 14.00-da keçiriləcək. Tədbir çərçivəsində:

Klinik bacarıqların tədrisinin təşkili və effektiv metodiki yanaşmalar;

OSCE (Obyektiv Strukturlaşdırılmış Klinik İmtahan) metodunun təşkili və qiymətləndirmə prinsipləri;

DOPS (Praktik prosedur bacarıqlarının birbaşa müşahidə əsasında qiymətləndirilməsi) metodunun tətbiq imkanları;

Praktik nümunələr, interaktiv müzakirələr və təcrübə mübadiləsi nəzərdə tutulur.

 

Seminarın formatı: İnteraktiv təqdimatlar, praktik nümunələr və müzakirələr

İştirakçı sayı məhdud olduğundan əvvəlcədən qeydiyyat tələb olunur.

 

Qeydiyyat linki: https://docs.google.com/.../1FAIpQLSeGUiMdl0e1oU.../viewform