Azərbaycan Tibb Universitetinin (ATU) Elmi Araşdırmalar Mərkəzində “Kök hüceyrə izolyasiyası və identifikasiyası” mövzusunda elmi seminar keçiriləcək.
ATU-dan Aztibb.az-a bildirilib ki, seminarda tədqiqatçı, biologiya üzrə fəlsəfə doktoru İnci Şıxaliyeva kök hüceyrələrin izolyasiyası, kultivasiya üsulları və identifikasiyasında tətbiq olunan müasir metodlar barədə məlumat verəcək.
Həmçinin, axın sitometriyası, immunoflüoressensiya və hüceyrə markerlərinin əhəmiyyəti, kök hüceyrələrin diferensiasiya potensialının qiymətləndirilməsi məsələləri müzakirə olunacaq.
Seminar kök hüceyrə tədqiqatları ilə maraqlanan iştirakçılar üçün aktual elmi biliklərin əldə olunması baxımından faydalı olacaq.
Tarix: 14 oktyabr
Saat: 10:30
Məkan: ATU-nun Elmi Araşdırmalar Mərkəzi
Maraqlanan şəxslər seminarda iştirak edə bilərlər.
