İnsanın psixi vəziyyəti yalnız beynin fəaliyyətindən deyil, həm də bağırsaqlarında yaşayan bakteriyalardan asılıdır.

Aztibb.az rg.ru-ya istinadla xəbər verir ki, portuqaliyalı alimlər bu barədə “Translational Psychiatry” jurnalında yazıblar.

Portuqaliya alimləri 200 könüllünün bağırsaqlarındakı bakteriyaların tərkibini araşdırıb və həmin bakteriyalar arasında bir neçə növ xüsusilə onların diqqətini çəkib. Məsələn, bağırsaqlarda “Allisonella” və “Prevotella” bakteriyalarının, eləcə də “Cloacibacillus evryensis” növünün daha yüksək payı psixopatik xüsusiyyətlərlə əlaqələndirilib. Belə əlaqənin niyə yarandığını və ümumiyyətlə, bunun hansı mexanizmlə baş verdiyini hələ müəyyənləşdirmək lazımdır.

Gələcək tədqiqatlar hazırkı nəticələri təsdiqləsə, psixopatik xüsusiyyətlərin öyrənilməsi yalnız beynin fəaliyyətindəki xüsusiyyətlərin axtarışı ilə məhdudlaşmayacaq, həm də bağırsaq mikrobiotasının tədqiqini əhatə edəcək.