Rusiyalı alimlər buruna tətbiq edildikdən sonra gelə çevrilən yeni burun spreyi hazırlayıblar.

Aztibb.az "Medvestnik"ə istinadən yazır ki, bu xüsusiyyət preparatın burun selikli qişasında daha uzun müddət qalmasına imkan verir və burun damcılarından yaranan asılılığın aradan qaldırılmasına kömək edir.

Preparatın effektivliyi və təhlükəsizliyi artıq təsdiqlənib. Hazırda onun klinik sınaqlardan əvvəlki (preklinik) mərhələ üzrə tədqiqatları davam etdirilir.

Qeyd edək ki, uzun müddət damar daraldıcı burun damcılarından istifadə bəzi insanlarda dərmandan asılılıq yarada və xroniki burun tutulmasına səbəb ola bilər. Yeni preparatın gələcəkdə bu problemin müalicəsində mühüm alternativlərdən biri olacağı gözlənilir.