Ümumdünya Səhiyyə Təşkilatı (ÜST) tələbə və gənc mütəxəssislər üçün “Qrip və COVID-19 kimi tənəffüs yolu infeksiyalarından ətrafındakı insanları necə qoruyursan?” mövzusunda video müsabiqə elan edir.

ATU-dan Aztibb.az-a bildirilib ki, iştirakçılar qrip və/və ya COVID-19-un qarşısının alınması və nəzarətinin əhəmiyyətini əks etdirən qısa videolar hazırlamalıdırlar. 

Videoların yaradıcı olması, yanlış məlumat və mifləri aradan qaldırması, həmçinin insanları özlərini və yaxınlarını mövsümi qrip və COVID-19-dan qorumağa təşviq etməsi tövsiyə olunur.

Kimlər iştirak edə bilər?

 18–35 yaşlı tələbələr və gənc mütəxəssislər (fərdi və ya komanda şəklində).

Video tələbləri:

- Maksimum 90 saniyə

- İstənilən yaradıcı format

- İngilis dilində altyazı mütləqdir

- Maksimum 3 video təqdim etmək olar.

Video aşağıdakı mövzulardan ən az birini əhatə etməlidir:

* Risk qruplarının qorunması;

* Qrip və COVID-19-la bağlı şübhələrə cavab;

* İcmada yayılan miflərin təkzibi.

Qaliblər ÜST tərəfindən sertifikatla təltif olunacaq, videoları rəsmi platformalarda yayımlanacaq və qlobal vebinarda təqdim ediləcək.

Son müraciət tarixi: 13 sentyabr 2026 (23:45 CEST).

https://www.who.int/news-room/events/detail/2026/08/03/default-calendar/global-youth-competition-advocating-for-influenza-and-covid-19-prevention-and-control