23–24 oktyabr 2026-cı il tarixlərində keçiriləcək I Milli Leyşmanioz Konfransı ölkənin aparıcı alimlərini, həkimlərini, laboratoriya mütəxəssislərini, tədqiqatçılarını və səhiyyə sahəsinin nümayəndələrini bir araya gətirəcək.

Aztibb.az-ın xəbərinə görə, konfrans çərçivəsində elmi müzakirələr aşağıdakı istiqamətlər üzrə aparılacaq:

Leyşmaniozun epidemiologiyası və müasir vəziyyəti;
Leyşmaniozun müasir laborator diaqnostikası;
Leyşmaniozda klinik yanaşmalar və innovativ müalicə strategiyaları;
Vektor və heyvan rezervuarlarının monitorinqi və nəzarəti;
“Vahid Sağlamlıq (One Health)” yanaşmasının leyşmaniozla mübarizədə rolu.

Konfransın məqsədi dünyanın və ölkəmizin ictimai sağlamlıq problemlərindən biri olan leyşmaniozun diaqnostikası, müalicəsi epidemiologiyası və profilaktikası sahəsində mövcud problemləri ortaya qoymaq və eləcə də son illərdə leyşmaniyaya qarşı biotexnologiya nanotexnologiya və sünii intellekte əsaslı yeni multidissiplinar yanaşmaları müzakirə etməkdir.

Təşkilatçılar:

* Azərbaycan Respublikasının Səhiyyə Nazirliyi V. Y.Axundov adına Elmi Tədqiqat Tibbi Profilaktika İnstitutu
* Azərbaycan Respublikasının Kənd Təsərrüfatı Nazirliyi Baytarlıq Elmi-Tədqiqat İnstitutu

* Azərbaycan Respublikasının Elm və Təhsil Nazirliyi Canlı Sistemlərin Tədqiqi İnstitutu
Sizi, I Milli Leyşmanioz Konfransının iştirakçısı olmağa, elmi bilik və təcrübə mübadiləsinə qoşulmağa dəvət edirik.

Qeydiyyat və ətraflı məlumat üçün:
+994 77 591 94 91
+994 70 541 21 44