Azərbaycan Tibb Universiteti (ATU) Dövlət İmtahan Mərkəzinin (DİM) təşkilatçılığı ilə keçirilən ali təhsil müəssisələrinin sərgisində iştirakını uğurla başa çatdırıb. 
 

ATU-dan Aztibb.az-a bildirilib ki, üç gün davam edən sərgi ərzində ATU-nun stendi çoxsaylı abituriyent və valideyn tərəfindən ziyarət olunub. Universitetin əməkdaşları ziyarətçilərə ATU-da həyata keçirilən tədris prosesi, ixtisas seçimi, qəbul qaydaları, tələbələr üçün yaradılan təhsil və klinik təcrübə imkanları, beynəlxalq əlaqələr, mübadilə proqramları və zəngin maddi-texniki baza haqqında ətraflı məlumat veriblər. Eyni zamanda, iştirakçıları maraqlandıran suallar cavablandırılıb, onların gələcək peşə seçimində düzgün qərar vermələrinə dəstək göstərilib. 

ATU-nun sərgidə iştirakı universitetin təhsil imkanlarının geniş auditoriyaya təqdim edilməsi, gələcək tələbələrlə birbaşa ünsiyyətin qurulması və tibb təhsilinə maraq göstərən gənclərin məlumatlandırılması baxımından uğurlu nəticələrlə yadda qalıb.