Oturaq işlə məşğul olan şəxslər ən azı hər saatdan bir aktiv fasilə verməlidirlər.

Aztibb.az "Actualnews"a istinadən yazır ki, bu barədə tibb elmləri doktoru, kardioloq Yuri Konev açıqlamada bildirib.

“Ən azı hər saatdan bir 10 dəqiqəlik fasilə vermək vacibdir”, – deyə həkim vurğulayıb.

Onun sözlərinə görə, azhərəkətli həyat tərzi təkcə ürək-damar sisteminə deyil, həmçinin tənəffüs sisteminə, qan dövranına və ümumilikdə orqanizmin fəaliyyətinə mənfi təsir göstərir.

Kardioloq qısa iş fasilələri zamanı ən azı bir qədər gəzməyi və bir neçə dəfə dərindən nəfəs almağı tövsiyə edib.

Digər kardioloq Oksana Sinenkova isə qeyd edib ki, gün ərzində 8–10 saat oturaq vəziyyətdə qalan insanlarda infarkt keçirmə riski daha az oturan şəxslərlə müqayisədə 40–50 faiz yüksəkdir.