Müasir dövrün ən təhlükəli xəstəliklərindən biri olan xərçəngə qarşı mübarizədə yeni ümidverici nəticələr əldə olunub. Kimyaterapiya və immunoterapiyaya cavab verməyən xəstələr üzərində sınaqdan keçirilən yeni müalicə üsulu mütəxəssislər tərəfindən “indiyədək görülmüş ən təsirli nəticələrdən biri” kimi qiymətləndirilir.

Aztibb.az "Medlineplus" portalının məlumatına istinadən yazır ki, bu məqasədlə aparılan tədqiqatın əsas mərkəzi Böyük Britaniya olub. Araşdırma Institute of Cancer Research (ICR) və The Royal Marsden NHS Foundation Trust xəstəxanasının rəhbərliyi ilə 11 ölkədə həyata keçirilib.

Araşdırma çərçivəsində Johnson & Johnson tərəfindən hazırlanmış amivantamab preparatı sınaqdan keçirilib. Məlumata görə, dərman bəzi xəstələrdə şişlərin tamamilə yox olmasına səbəb olub.

Nəticələr ABŞ-ın Chicago şəhərində keçirilən American Society of Clinical Oncology (ASCO) konfransında təqdim edilib.

Beynəlxalq tədqiqat çərçivəsində xəstəliyi yayılmış və ya yenidən qayıtmış, mövcud müalicə üsullarına cavab verməyən 102 baş-boyun xərçəngi xəstəsinə amivantamab preparatı təyin olunub.

Araşdırmanın nəticələrinə əsasən:

43 xəstədə şişlərin kiçildiyi və ya yox olduğu müşahidə edilib;
15 xəstədə isə şişlərin tamamilə aradan qalxdığı müəyyənləşdirilib.
“Ən güclü cavablardan biridir”

ICR-in aparıcı alimlərindən Kevin Harrinqton əldə olunan nəticələri yüksək qiymətləndirərək bildirib: “Bu, həmin xəstə qrupu üçün indiyədək müşahidə edilmiş ən güclü müalicə cavablarından biridir.”

Amivantamab preparatı xərçəng hüceyrələrinə qarşı üç istiqamətdə təsir göstərir:

Şişin böyüməsini dəstəkləyən iki əsas bioloji mexanizmi bloklayır;
Xərçəng hüceyrələrinin inkişafını ləngidir;
İmmun sistemini xərçəng hüceyrələrinə qarşı daha fəal mübarizəyə təşviq edir.
Xəstələr müsbət dəyişikliklərdən danışırlar

Araşdırmada iştirak edən 56 yaşlı Carl Walsh müalicədən əvvəl danışmaqda və qida qəbul etməkdə ciddi çətinlik çəkdiyini bildirib.

Onun sözlərinə görə, bir neçə müalicə kursundan sonra şişkinlik və ağrılar əhəmiyyətli dərəcədə azalıb. Hazırda isə o, yenidən normal həyat tərzinə qayıda bilib.

Alimlər hesab edirlər ki, əldə edilən nəticələr xüsusilə müalicə imkanları məhdudlaşmış və ya mövcud terapiyalara cavab verməyən xəstələr üçün son illərin ən mühüm nailiyyətlərindən biri ola bilər. Bununla belə, preparatın geniş tətbiqinə keçilməsi üçün əlavə klinik araşdırmaların aparılması vacib sayılır.

Mütəxəssislərin fikrincə, ən aqressiv və ölüm riski yüksək olan xərçəng növləri bunlardır:

Pancreatic Cancer
Lung Cancer
Glioblastoma
Liver Cancer
Esophageal Cancer
Kişilərdə daha çox rast gəlinən xərçəng növləri
Prostate Cancer
Lung Cancer
Colorectal Cancer
Bladder Cancer
Melanoma
Stomach Cancer
Qadınlarda daha çox rast gəlinən xərçəng növləri
Breast Cancer
Colorectal Cancer
Endometrial Cancer
Lung Cancer
Ovarian Cancer
Thyroid Cancer

Amivantamab klassik mənada peyvənd deyil, monoklonal anticisim əsaslı hədəflənmiş xərçəng preparatıdır. Araşdırmaların nəticələri ümidverici olsa da, preparatın effektivliyi və təhlükəsizliyi ilə bağlı əlavə klinik mərhələlərin tamamlanması vacibdir.