Almaniyanın Bonn şəhərində yerləşən Ümumdünya Səhiyyə Təşkilatının (ÜST) Avropa Ətraf Mühit və Sağlamlıq Mərkəzi, Böyük Britaniyanın Exeter Universitetində fəaliyyət göstərən Təbii Mühit və Sağlamlıq üzrə ÜST Əməkdaşlıq Mərkəzi ilə birgə 2026-cı ilin iyun ayında Bonn School təlimlər silsiləsini təşkil edəcək.

 

Bu barədə Aztibb.az-a ATU-dan məlumat verilib.

 

Üç həftə ərzində keçiriləcək bu təlimlər çərçivəsində təbiət, biomüxtəliflik, sağlamlıq və rifah sahələrində ən son elmi biliklər və təcrübələr iştirakçılarla paylaşılacaqdır. Təlimlər beynəlxalq səviyyəli ekspertlər tərəfindən ingilis dilində aparılacaq.

 

Sessiyalar aşağıdakı tarixlərdə (14:00–15:30, Bakı vaxtı) keçiriləcək:

9 iyun – Təbiət və sağlamlıq üzrə siyasət çərçivələri

10 iyun – Təbiət və sağlamlıq üzrə əsas anlayışlar və yanaşmalar

15 iyun – Təbiətə əsaslanan həllər və sağlamlıq

16 iyun – Biomüxtəliflik və insan sağlamlığı

17 iyun – Təbiətin sağlamlığa təsir mexanizmləri və faydaları

23 iyun – Davranış yanaşmaları və vətəndaş iştirakçılığı

24 iyun – Təbiətin qiymətləndirilməsi

 

Qeyd edək ki, tədbir 2026-cı il BMT Biomüxtəliflik Konfransı (CBD COP17) öncəsi aktual mövzuları əhatə edir və bu sahədə fəaliyyət göstərən mütəxəssislər, tədqiqatçılar və qərarvericilər üçün faydalı olacaq.

 

Tədbirdə iştirak etmək istəyən əməkdaşların aşağıdakı keçid vasitəsilə qeydiyyatdan keçmələri xahiş olunur:

 

Qeydiyyat tamamlandıqdan sonra qeydiyyatın təsdiqini əks etdirən məktubun və ya ekran görüntüsünün international@amu.edu.az elektron poçt ünvanına göndərilməsi xahiş olunur.

İştirak etmək istəyən əməkdaşlardan **6 iyun 2026-cı il tarixinədək** qeydiyyatdan keçərək bu barədə Beynəlxalq Əlaqələr Şöbəsinə məlumat vermələri rica olunur.